Nýsköpunarsambandinu – Innovation Union ýtt úr vör
Framkvæmdastjórn ESB hefur nú kynnt aðgerðaáætlun er nefnist Nýsköpunarsambandið (e. Innovation Union), sem er ein af sjö aðgerðaráætlunum (e. flagship initiatives) í stefnumörkun Evrópu fyrir árið 2020 (e. Europe 2020 Strategy, EU2020). EU2020 byggir á hugvitsamlegum og sjálfbærum hagvexti fyrir alla (e. smart, sustainable and inclusive growth).
Nýsköpunarsambandinu er ætlað að breyta hugmyndum í störf, grænan hagvöxt og félagslegar framfarir. Hér hefur í fyrsta sinn verið mótuð samþætt heildarstefna um nýsköpun fyrir Evrópu. Markmiðið er að bæta aðbúnað og aðgengi að fjármunum fyrir rannsóknir og nýsköpun í Evrópu og tryggja að nýjar hugmyndir og nýjar vörur komist á markað og þar með aukist hagvöxtur og fleiri störf verði til.
Nýsköpunarsambandinu er ætlað að takast á við áskoranir er tengjast loftlagsbreytingum, orkumálum, fæðuöryggi og lýðheilsu. Með nýsköpun er ekki aðeins átt við tækni heldur einnig viðskiptahugmyndir, hönnun, vörumerkjaþróun, þjónustu o.fl. Frumkvöðlastarf í atvinnulífi, jafnt sem í opinberri þjónustu, mun eiga kost á stuðningi í gegnum áætlunina.
Helstu stefnumið Nýsköpunarsambandsins eru:
Nýsköpunarsambandinu er ætlað að breyta hugmyndum í störf, grænan hagvöxt og félagslegar framfarir. Hér hefur í fyrsta sinn verið mótuð samþætt heildarstefna um nýsköpun fyrir Evrópu. Markmiðið er að bæta aðbúnað og aðgengi að fjármunum fyrir rannsóknir og nýsköpun í Evrópu og tryggja að nýjar hugmyndir og nýjar vörur komist á markað og þar með aukist hagvöxtur og fleiri störf verði til.
Nýsköpunarsambandinu er ætlað að takast á við áskoranir er tengjast loftlagsbreytingum, orkumálum, fæðuöryggi og lýðheilsu. Með nýsköpun er ekki aðeins átt við tækni heldur einnig viðskiptahugmyndir, hönnun, vörumerkjaþróun, þjónustu o.fl. Frumkvöðlastarf í atvinnulífi, jafnt sem í opinberri þjónustu, mun eiga kost á stuðningi í gegnum áætlunina.
Helstu stefnumið Nýsköpunarsambandsins eru:
- Að gera Evrópu að rannsóknasamfélagi á heimsmælikvarða.
- Að umbylta samvinnu opinberra aðila og einkageirans í gegnum Nýsköpunarsamvinnu (e. Innovation Partnerships t.d. á sviði öldrunarmála, vatnsverndar og “smart cities”).
- Að ryðja úr vegi hindrunum sem koma í veg fyrir að hugmyndir nái á skömmum tíma út á almennan markað.
Nýsköpunarsambandið felur í sér 32 áætlanir sem sumar hverjar eru útfærðar nánar í öðrum aðgerðaráætlunum sem heyra undir EU2020 stefnumörkunina. Mælanleg markmið hafa verið sett fram, s.s. 3% af VÞF skuli varið til rannsókna og nýsköpunar en lagt verður mat á framvindu áætlunarinnar á árlegri nýsköpunarráðstefnu (e. Innovation Convention).
Frekari upplýsingar um Nýsköpunarsambandið er að finna hér:
MEMO/10/473
http://ec.europa.eu/innovation-union
http://ec.europa.eu/enterprise/policies/innovation/index_en.htm
http://www.facebook.com/innovation.union
http://twitter.com/innovationunion
http://blogs.ec.europa.eu/innovationunlimited/