Alþjóðamál
  • SIS_Althjodamal_190x160

Alþjóðlegt samstarf verður sífellt mikilvægara og það eru gerðar meiri kröfur um skilvirkni og ávinning af þátttöku í alþjóðlegu samstarfi.

Alþjóðavæðingin hefur opnað sveitarfélögum nýja möguleika á samstarfsverkefnum með erlendum aðilum, bæði til þess að læra sjálf og til að miðla af þekkingu sinni.

Íslenska ríkið á aðild að yfirþjóðlegu samstarfi í gegnum EES-samninginn sem hefur víðtæk áhrif á starfsemi sveitarfélaga. Evrópsk löggjöf, sem innleidd er í íslenskan rétt á grundvelli samningsins leggur skyldur á herðar sveitarfélaga á ýmsum sviðum, svo sem á sviði umhverfismála, vegna stöðu þeirra sem vinnuveitenda og veitenda opinberrrar þjónustu, vegna innkaupa sveitarfélaga og fyrirtækjareksturs þeirra. EES-samningurinn tryggir sveitarfélögum einnig aðgang að ýmsum evrópskum samstarfsáætlunum. Samband íslenskra sveitarfélaga annast hagsmunagæslu fyrir íslensk sveitarfélög gagnvart samningnum. Sambandið rekur skrifstofu í Brussel til þess að sinna verkefnum á þessu sviði.

Sambandið vinnur einnig að hagsmunum íslenskra sveitarfélaga á alþjóðavettvangi í gegnum aðild sína að alþjóðlegum og evrópskum hagsmunasamtökum sveitarfélaga.

Það á einnig fulltrúa á sveitarstjórnarþingi Evrópuráðsins og tekur þátt í samstarfi með norrænum systursamtökum sínum.



Verkefni sveitarfélaga

Fréttir - alþjóðamál

3.3.2015 : Auglýst eftir tilnefningum til Evrópsku stjórnsýsluverðlaunanna 2015

Evrópustofnun stjórnsýslufræða auglýsir eftir tilnefningum til Evrópsku stjórnsýsluverðlaunanna 2015. Íslensk sveitarfélög geta sótt um, umsóknarfrestur er til 17. apríl 2015.

Lesa meira

3.12.2014 : 10. fundur sveitarstjórnarvettvangs EFTA haldinn í Brussel

Sveitarstjórnarvettvangur EFTA fundaði í tíunda sinn í Brussel, 24.-25. nóvember sl. Helstu viðfangsefni vettvangsins að þessu sinni voru mögulegur fríverslunarsamningur ESB og Bandaríkjanna og græn störf en vettvangurinn samþykkti ályktanir um þessi tvö mál. Vettvangurinn fjallaði einnig um helstu mál á döfinni hjá EFTA, Eftirlitsstofnun EFTA og nýtt Evrópuþing og nýja framkvæmdastjórn ESB.

Lesa meira

Fleiri fréttir




Útlit síðu: