Lýðræði í sveitarfélögum

Á þessari síðu eru ýmsar upplýsingar er varða lýðræðismál í sveitarfélögum

Lýðræðismál eru í brennidepli eftir atburði undanfarinna mánaða og nú í ljósi sveitarstjórnarkosninga á næsta ári. Ríkisstjórnin hefur sett lýðræðismál á oddinn í samstarfsyfirlýsingu sinni. Þar segir að vinna eigi að eflingu lýðræðis á sveitarstjórnarstigi og setja ákvæði um gerð siðareglna á sveitarstjórnarstigi. Lagt hefur verið fram á Alþingi frumvarp um persónukosningar til sveitarstjórna. Lýðræðishópur sambandsins, sem er skipaður þeim Degi B. Eggertssyni, Magnúsi B. Jónssyni og Soffíu Lárusdóttur, hefur einnig unnið að undirbúningi tillagna um aukið lýðræði í sveitarfélögum í samræmi við samþykktir landsþings sambandsins. Stjórn sambandsins samþykkti á fundi sínum 26. júní sl. að fela hópnum að leiða umræðu meðal sveitarstjórnarmanna um nýjar lýðræðisleiðir á fundum í haust.

Lýðræðishópurinn hefur hvatt sveitarfélög til að  taka þessi mál til umfjöllunar og setja lýðræðismál á dagskrá aðalfunda landshlutasamtaka sveitarfélaga sem haldnir verða í haust. Hann stóð, í samvinnu við Stofnun stjórnsýslufræða og stjórnmála við HÍ, fyrir málþingi 19. ágúst sl. sem ætlað var að vera inngangur og grunnur að umræðum um lýðræðismál.

 Hér er stutt samantekt um tillögur um persónukosningar til sveitarstjórna, um siðareglur og siðanefnd sveitarfélaga og fleiri lýðræðisnýmæli til að undirbúa umræður.  

Erindi Magnúsar Karels Hannessonar, sviðsstjóra rekstrar- og útgáfusviðs um persónukjör. 

Sjá einnig minnisblað Gunnars Helga Kristinssonar prófessors um lýðræðismál sveitarfélaga hér.

Evrópsk lýðræðisvika í sveitarfélögum 

Handbækur og leiðbeiningar um íbúalýðræði