Launanefnd sveitarfélaga

Samkvæmt samþykktum um Launanefnd sveitarfélaga frá í september 2002 er hlutverk hennar: 

• að gæta hagsmuna sveitarfélaganna gagnvart samtökum þeirra launþega, sem þau ráða til starfa, sérstaklega að því er varðar kaup og kjör.
• að koma fram sem samningsaðili fyrir hönd sveitarfélaga, fyrirtækja, stofnana og hagsmunasamtaka eftir því sem þessir aðilar gefa nefndinni umboð til eða leiðir af lögum. 
• að vinna að því að samræma afstöðu sveitarfélaganna til kjarasamninga og að móta stefnu í kjaramálum.
• að vinna að því að leysa með samningum ágreiningsmál á milli sveitarfélaganna og viðsemjenda þeirra.
  

Launanefnd sveitarfélaga fellur undir starfssvið kjarasviðs Sambands íslenskra sveitarfélaga. Helstu starfsmenn hennar eru Inga Rún Ólafsdóttir, sviðsstjóri kjarasviðs, Guðfinna Harðardóttir, sérfræðingur í mannauðsstjórnun, Guðrún Ósk Sigurjónsdóttir, lögfræðingur, Benedikt Þór Valsson, hagfræðingur, Guðrún A. Sigurðardóttir, starfsmatsráðgjafi og Berglind Eva Ólafsdóttir, starfsmatsráðgjafi. Lögfræðisvið Sambands íslenskra sveitarfélaga sinnir einnig störfum fyrir nefndina, sérstaklega hvað varðar ráðgjöf vegna lögfræðilegra þátta er lúta að túlkun og framkvæmd kjarasamninga.