Fréttir og tilkynningar

Nærri einn af hverjum tveimur sveitarstjórnarmönnum er kona og hefur hlutur kvenna aldrei verið meiri í sveitarstjórnum en nú eða 47,2% Til samanburðar má nefna að hlutfall kvenna var að sveitarstjórnakosningum afloknum árið 1998 einungis 28,2% og hefur hlutfall þeirra því nánast tvöfaldast á sl. 20 árum.

Nánar...

Nýkjörnar sveitarstjórnir munu um land allt taka til starfa 15 dögum eftir kjördag og við það munu samtals 502 fulltrúar taka sæti í þeim 72 sveitarfélögum sem eru við lýði í landinu. Að síðustu sveitarstjórnarkosningum loknum tóku 504 fulltrúar sæti í 74 sveitarfélögum og hefur því bæði kjörnum fulltrúum og sveitarstjórnum fækkað frá því sem var.

Nánar...

Hagstofa Íslands hefur í tilefni af 100 ára fullveldisafmælinu veitt aðgang að sögulegu talnaefni í samfelldum tímaröðum. Kosningaþátttaka frá árinu 1938 og frambjóðendur og kjörnir fulltrúar í sveitarstjórnarkosningum frá árinu 1950 er á meðal þess efnis sem tengist sveitarstjórnarstiginu.

Nánar...

Stjórn Sambands íslenskra sveitarfélaga telur óásættanlegt að skortur á þjónustu af hálfu sýslumanna verði til þess að draga úr kjörsókn í komandi sveitarstjórnarkosningum. Gerir stjórnin þá kröfu til dómsmálaráðuneytisins og sýslumannsembætta að þau tryggi að skipulag utankjörfundaratkvæðagreiðslu henti íbúum í hverjum landshluta, án þess að þeir þurfi að ferðast um langan veg.

Nánar...

Kosið verður til 72 sveitarstjórna í 74 sveitarfélögum í komandi sveitarstjórnarkosningum. Samning Fjarðabyggðar og Breiðdalshrepps var samþykkt nýlega með miklum meirihluta greiddra atkvæða. Í nóvember sl. samþykktu einnig Sandgerði og sveitarfélagið Garður að sameinast.

Nánar...

Akureyrarbær lýkur senn innleiðingu á barnasáttamála Sameinuðu þjóðanna fyrst íslenskra sveitarfélaga. Um er að ræða tilraunaverkefni til tveggja ára sem Akureyrarbær hefur unnið að í samstarfi við UNICEF og miðar að því að ryðja öðrum sveitarfélögum braut sem Barnvæn sveitarfélög. Aðferðafræðin sem stuðst er við hefur gert hundruðum sveitarfélaga um allan heim kleift að innleiða barnasáttmálann og uppskera fyrir vikið viðurkenningu UNICEF sem barnvæn eða Child Friendly Cities. Nánar...

Landsþing ungmennahúsa fór nýlega fram á Akureyri, en það er einn af þeim árlegu viðburðum sem Samfés gengst fyrir. Markmið landsþingsins er m.a. að gefa starfsfólki og ungu fólki í starfinu tækifæri til að hittast, tengjast, læra af hvert öðru og skiptast á skoðunum. Á meðal þess sem fjallað var um á þinginu voru ungmennahús framtíðarinnar.

Nánar...

Samband íslenskra sveitarfélaga gekkst í gær fyrir kynningarfundi vegna handbókar um aðferðir og leiðir í íbúalýðræði sem kom nýlega út á vegum sambandsins. Fundarmönnum gafst einnig kostur á þátttöku með fjarfundarbúnaði. Kynningarfundinum var ætlað að fylgja eftir útgáfu handbókarinnar, sem er sú fyrsta sinnar tegundar hér á landi.

Nánar...

Útvíkkun jafnréttisstarfs – #metoo og margbreytileiki var að þessu sinni yfirskrift jafnréttisþings. Þema þess var um jafna meðferð og vernd gegn mismunun í víðum skilningi með hliðsjón af margbreytileika í íslensku samfélagi. Stóð þingið í hálfan annan dag og bauð upp á sex málstofur um fjölbreytt efni.

Nánar...