Fréttir og tilkynningar

Fyrirsagnalisti

18. des. 2013 : Samkomulag um hækkun hámarksútsvars

SIS_Fjarmal_sveitarfel_760x640

Eins og sveitarstjórnum á að vera kunnugt um var undirritað samkomulag í nóvember sl. um hækkun hámarksútsvars, úr 14,48% í 14,52%. Sambandið hefur ráðlagt þeim sveitarstjórnum, sem hyggjast nýta sér þessa heimild, að samþykkja hækkunina með fyrirvara um að lagabreyting næði fram að ganga á Alþingi.

Nánar...

11. des. 2013 : Skýrsla um Skólaþing sveitarfélaga 2013 komin út

Skolathing

Skólaþing sveitarfélaga fór fram 4. nóvember 2013 á Hilton Reykjavík Nordica hóteli. Skýrsla skólaþingsins er komin út. Þar gefur að líta helstu niðurstöður umræðuhópa sem störfuðu fyrir hádegi auk mats þátttakenda á þinginu, umgjörð þess, áherslum o.fl. Þær niðurstöður mun sambandið hafa til hliðsjónar m.a. við mótun samningastefnu sambandsins í kjaraviðræðum við kennara og  stefnumörkunar í skólamálum fyrir næsta kjörtímabil.

Nánar...

06. des. 2013 : Úthlutun námsleyfa vegna skólaársins 2014-2015

pusl

Úthlutun námsleyfa vegna skólaársins 2014-2015 er lokið. Alls bárust Námsleyfasjóði 185 umsóknir um námsleyfi skólaárið 2014-2015, þar af voru 162 fullgildar. Fjármagn til úthlutunar leyfði að veitt væru 32 námsleyfi. Aðeins var hægt að verða við um 20% þeirra beiðna sem fyrir lágu og því ljóst að ýmsum fullgildum og áhugaverðum umsóknum varð að hafna.

Nánar...

04. des. 2013 : Staðbundið lýðræði og þróun í kjölfar falls Sovétríkjanna til umræðu hjá stefnumótunarnefnd CEMR

cemr3

Stefnumótunarnefndin fundar venjulega tvisvar á ári en að þessu sinni sátu fundinn fyrir Íslands hönd Aldís Hafsteinsdóttir, bæjarstjóri í Hveragerðisbæ og Jórunn Einarsdóttir, bæjarfulltrúi í Vestmannaeyjum auk Önnu Guðrúnar Björnsdóttur, sviðsstjóra þróunar- og alþjóðasviðs Sambands íslenskra sveitarfélaga, og Guðrúnar D. Guðmundsdóttur, forstöðumanns Brussel-skrifstofu sambandsins.

Nánar...

27. nóv. 2013 : Tilkynning frá innanríkisráðuneytinu um fyrirhugaða hækkun hámarksútsvars

Trompetleikari_litil

Innanríkisráðuneytið hefur sent tilkynningu til allra sveitarfélaga þar sem athygli er vakin á því að í undirbúningi eru breytingar á lögum nr. 4/1995 um tekjustofna sveitarfélaga. Breytingarnar eru í samræmi við efni viðauka sem gerður hefur verið við samkomulag ríkis og sveitarfélaga frá 23. nóvember 2010 um tilfærslu þjónustu við fatlaða, en viðaukinn felur í sér að ákvörðun um endanlega útsvarsprósentu sveitarfélaga vegna yfirfærslu þjónustunnar er frestað um eitt ár, til ársins 2014.

Nánar...

27. nóv. 2013 : Ný reglugerð um lánveitingar til byggingar eða kaupa á leiguíbúðum

Husin-i-baenum-031

Félags- og húsnæðismálaráðherra hefur sett nýja reglugerð um lánveitingar Íbúðalánasjóðs (ÍLS), sem ætlaðar eru til byggingar eða kaupa á leiguíbúðum. Um er að ræða lánaflokk er lengi hefur verið við lýði og mörg sveitarfélög hafa sótt í til þess að fjármagna framkvæmdir á sviði húsnæðismála.

Nánar...

25. nóv. 2013 : Tölulegar upplýsingar um þjónustu sveitarfélaga við fatlað fólk árið 2011

SIS_Felagsthjonusta_760x640

Velferðarráðuneytið hefur gefið út skýrsluna Þjónusta sveitarfélaga við fatlað fólk - Tölulegar upplýsingar um þjónustu sveitarfélaga við fatlað fólk árið 2011. Hagstofa Íslands safnaði gögnunum frá sveitarfélögunum og annaðist úrvinnslu ásamt sérfræðingum velferðarráðuneytis.

Nánar...
Síða 1 af 10