Alþjóðlegt samstarf og EES-mál

Alþjóðlegt samstarf verður sífellt mikilvægara og það eru gerðar meiri kröfur um skilvirkni og ávinning af þátttöku í alþjóðlegu samstarfi.

Alþjóðavæðingin hefur opnað sveitarfélögum nýja möguleika á samstarfsverkefnum með erlendum aðilum, bæði til þess að læra sjálf og til að miðla af þekkingu sinni.

Íslenska ríkið á aðild að yfirþjóðlegu samstarfi í gegnum EES-samninginn sem hefur víðtæk áhrif á starfsemi sveitarfélaga. Evrópsk löggjöf, sem innleidd er í íslenskan rétt á grundvelli samningsins leggur skyldur á herðar sveitarfélaga á ýmsum sviðum, svo sem á sviði umhverfismála, vegna stöðu þeirra sem vinnuveitenda og veitenda opinberrrar þjónustu, vegna innkaupa sveitarfélaga og fyrirtækjareksturs þeirra. EES-samningurinn tryggir sveitarfélögum einnig aðgang að ýmsum evrópskum samstarfsáætlunum. Samband íslenskra sveitarfélaga annast hagsmunagæslu fyrir íslensk sveitarfélög gagnvart samningnum.

Sambandið vinnur einnig að hagsmunum íslenskra sveitarfélaga á alþjóðavettvangi í gegnum aðild sína að alþjóðlegum og evrópskum hagsmunasamtökum sveitarfélaga.

Það á einnig fulltrúa á sveitarstjórnarþingi Evrópuráðsins og tekur þátt í samstarfi með norrænum systursamtökum sínum.

• Alþjóðanefnd sambandsins
• EES og alþjóðamál sem þróunar- og alþjóðasvið hyggst leggja áherslu á 2007
• EES-mál sveitarfélaga
• Evrópusamtök sveitarfélaga
• Alþjóðleg samtök borga og sveitarfélaga
• Evrópuráðið og íslensk sveitarfélög
• Norrænt samstarf Sambands íslenskra sveitarfélaga
• Vinabæjarsamstarf sveitarfélaga
• Tækifæri sveitarfélaga í alþjóðlegu samstarfi
• Greinar og skýrslur um EES- og alþjóðamál
• Greinargerð um áhrif aðildar að ESB á íslenska sveitarstjórnarstigið
• Fréttir frá Brussel
• Sáttmáli um jafna stöðu karla og kvenna í sveitarstjórnum og héruðum

Tengiliðir:

• Anna Guðrún Björnsdóttir, sviðsstjóri